MGNREGA-ah inhlawhna tihpun tum

State Employment Guarantee Council (SEGC) chu nimin khan Secretariat confe­rence hall-ah Rural Development minister R Lalzirliana hoin an ṭhu­khawm a; MGNREGA hnuaia inhlawhna a tam zawk theih nan material component tihtlem an rel.

Meeting-a tarlan dan­in, kum 2014-15 chhung­in MGNREGA hnuaiah Mizoramin cheng nuai 9941.33 a hmu tawh a, state-in a do lêtna tur (state share) cheng nuai 122.504 pawh hmuh tawh a ni.

Mipuiiin inhlawhna tur tam zawk an neih theih beiseina vangin kum 2015-16 ah chuan MGNREGA sum chu mipui inhlawhna tur atan 90% leh material com-ponent atan 10% dah ni se, tiin meeting-ah hian rel a; an thurel hi MGNREGA Empowered Committee hnenah pawmpui tura thawn a ni ang.

MGNREGA-ah hian sorkar kum kal ta 2013-14 chhung khan department pali - Soil & Water Conservation, Fisheries, Horticulture leh Sericulture-te nen convergence kalpui a ni a; kum 2015-16 ah chuan department 10 – PWD, PHE, ICDS, Forest, Ag­ri­cul­ture, AH&Vety, Seri­culture, Soil & Water Conservation, Fisheries leh Horticulture department-te nen convergence kalpui tum a ni.