Ram hruaituteah rinna an nghat lo: Duhoma

ZNP president Lal­duhoma chuan, Mi­zoram sorkar hruaitute'n thu dik lo mipuiah an thehdarh fo chu pawi a tih thu a sawi a, "Mi­zoram mipuite'n ram hruaituteah rinna an nghat thei tawh lo a ni," a ti.

Nimina ZNP office inkhawmah thu sawiin, Lalduhoma chuan, CM Lal Thanhawla'n NLUP chu Prime Minister Special Package aṭanga sem a nih tur thu leh kum nga chhunga sem zawh hman a nih tur a lo sawi tih a sawi a; Lal Thanhawla vek chuan a sawi tawh chu Assembly House-ah a chawk chhe leh niin a sawi.

Lalduhoma chuan, zirlaite'n scho­larship an dawn tur ang an dawng kim lo chu pawi a tih thu sawiin, "Cen­­tral sorkarin zirlaite scholarship pe ṭha duh lo chu ni se, an dinhmun enin a hriatthiamawm zawk hle a, Mizoram sor­kar, kan chenpui leh rawngbawlpui zawk, zirlai nu leh pa chanchang zawkte'n an pe kim duh lo hi a van­duaithlak hle a ni," a ti.

ZNP president chuan, "Mizoram sorkarin zir­laite ham­ṭhatna dawn tur a pe kim duh lo hian human development-a sorkar a hlawhchhamzia a pholang chiang hle," a ti a; zirlaiten an chanvo an hmuh ngei theihna turin ZNP chuan sorkar an ngenpui tih a sawi bawk.