National Science Day hman a ni

Nimin khan Mizoram University-a Department of Physics huaihawtin MZU-ah National Science Day hman a ni a, MZU vice chancellor Prof. R Lalthan­tluanga khuallian a ni.

Physics department HoD Prof. Zaithanzauva Pachuau-in inlawmna thu a sawi a; VC Prof. R Lalthantluang­a chuan, science thiamna chu zirna ina tawp mai lo a, thingtlang hmun kilkhawr thlenga inzirtir a ṭul thu a sawi a, MZU-ah pawh science zirna lama hmasawn theihna turin Inspired Teachers’ Network leh Innovation Club-te kalpui ṭan a nih thu a sawi bawk.

National Science Day hmannaah hian Prof. Lalnundanga, Prof. Senthil Kumar leh Dr. Hranghming­thanga, ten thu an sawi.

National Science Day hi India ramah February 28-ah hman ṭhin a ni a, India scientist ropui Sir CV Raman-in kum 1928-a ‘Raman Effect’ a hmuh­chhuah ni hriatreng nan kum 1986 aṭanga hman ṭan a ni. Kum­inah chuan February 28 hi Inrinni a nih avangin nimin khan hman a ni a, thupui chu ‘Science for nation bulding’ tih a ni.