Vah bâk tikang lo turin hriattir

Champhai DC H Lalengmawia chuan thupek chhuahin, Champhai district chhunga lo hâl turte chu an vah chin bak tikâng lo turin a hriattir. Mizoram sorkarin lo hâl hun hnuhnung atana a tih chu March 15, 2015 a ni.

Champhai DC chuan, lo, leipui leh huan hâl turte'n meilam ṭha taka sial tur a nih thu te, ram leh in tikâng thei meizial bung leh a dangte paih mai mai tur a ni loh thute leh, ram tikâng an awm chuan a na thei ang bera hrem an nih tur thute a tarlang a; thupek hian February 26 aṭanga thla hnih chhung a huam ang.