Krismas pualin National Service Scheme che chhuak

19th December, 2020

National Service Scheme (NSS), Mizoram chuan Krismas lo thleng tur pualin hmalakna hrang hrang an nei a, thisen an pek ṭhin bakah, home hrang hrangah thilpek an hlân.

NSS State Cell ruahman angin NSS volunteer-te chuan kumin Krismas pualin Aizawl leh district khawpui hrang hranga blood bank-ah December 1-17, 2020 chhung khan thisen unit 324 an pe a ni. Aizawl khawpuia veng hrang hranga chhungkua 12 hnenah Krismas thilpek atan pawisa an pe a; NSS unit hrang hrangte'n Aizawl leh khawpui danga home hrang hrangah thilpek an hlàn bawk.