Khawzawl in kângah nuai 6 hu kang ral

January 19, Pathianni zan dar 10 vel khan Khawzawl Vengthara Khuangkimi (58) in, Assam type a kâng ral a, a fapa na lutuk loin a hliam. Kângmei hi in hnuaia ar-in tihenna current line aṭanga chhuak a nih rin a ni a, bungrua Rs. 6,31,860 hû a kâng rala chhût a ni. 

Khawzawl Vengthar Branch YMA-in nimin khan in kâng seng­hawi hna an thawk a; Khawzawl DC H Lianzela chuan nimin zing khan Khuangkimi hnenah sorkar aṭanga ṭanpuina Rs. 1,01,900, a fapa Lalramliana damdawi-ina kanna Rs. 4,300 leh hnatlangte tan Rs. 2,000 a pe a ni.