India zalenna champha ram pumah lawm dawn

Vawiin August 15 hi India ramin British awpna laka zalenna a hmuh champha, Independence Day vawi 78-na a ni a, Mizoram pumah lawm a ni dawn a, Aizawl leh district khawpui tin bakah, SDO(Civil) leh BDO ṭhuthmun khuaahte lawm a ni ang.

Mizorama I-Day lawmna pui ber Aizawl Lammualah chuan zing dar 8-ah ṭan a ni dawn a, chief minister Lalduhoma'n hnam puanzar a pawt pharh ang a, I-Day thuchah a sawi bakah, national leh state award hrang hrangte a sem dawn a; parade contingent eng emaw zat an tel ang. Chhun dar 11-ah sawm bikte pualin Raj Bhavan-ah Governor’s At Home neih a ni dawn bawk.

Mizoram sorkar chuan I-Day lawmnaah hian tel ṭheuh turin khua leh tui zawng zawng a sáwm a; sorkar hnathawkte chu tel ngei tura hriattir an ni.