Minister pathumin Vairengte an tlawh

October 18, Pathianni zan khan minister pathum - Lalchhandama Ralte, Dr K Beichhua leh Robert Romawia Royte-te chuan Vairengte an tlawh a; Central YMA, MZP, MSU leh Vairengte khawtlang hruaitute nen an inkâwm.

Lalchhandama Ralte chuan, Chief Minister hoa Cabinet meeting-in Assam sorkar leh misualte ramri pêla an chê chu a dem tak zet tih sawiin, "Zoram venghim turin sorkarin a ṭul ṭul a ti dawn. Home Ministry-in Bihar-a IR police company 10 tír tura a tih anga insiam vek tawhte pawh ṭhulhtirin, ramria duty-tir an ni. Assam-in kawng an dan pin reng pawha eichawp mamawh châkkhaite Tripura, Manipur, Myanmar leh Bangladesh aṭanga lak luh dan tur thlengin sorkarin a ngaihtuah a ni," a ti.

Inkawmnaah hian bialtu MLA Lalrinsanga Ralte chuan, Chief Minister leh sorkar hotu dangte'n a bial an ngaihsak avang leh ram hruaitute leh tlawmngai pawl hruaitute'n an tlawha an chàmchilh hlawm avangin bial mipui aiawhin lawmthu a sawi a ni.