MPCC-in intuaitharna hun an hmang

Congress party chuan nimin khan Lal Thanhawla Auditorium-ah hruaitu intuaitharna hun an hmang a, Synod revival speaker Challianthanga'n thuchah a sawi.

Inkhawm hi MPCC senior vice president Lalnunmawia chuaungo-in a kaihruai a; Challianthanga chuan Congress party chu perek kàwi tawh, chhut ngila hman leh tlak angah tehkhinin, "Aizawl lailiah building ṭha tak in nei a, mithiam tak tak hruaitu in nei a, mi ṭha leh dik tak tak in nei a, thlarau mi tak tak in nei bawk a, mamawh dang in nei tawh lo, Pathian siam thar lehna chauh lo chu," a ti.

Challianthanga chuan, Congress party-in term nga thuneihna an chan chhungin tihsual a awm thei tih sawiin, "Pathiam lam in hawi a, insiamṭhat in mamawh. Fing leh thiam ringawt ni lo, mi ṭha leh dik ringawt ni lo, huaisen tel kan mamawh a ni," a ti a; lem an chan loh a, tih tak zeta an tih chuan Pathianin a tundin leh ngei tur thu a sawi.