CM-in chawimawina leh lawmman hlân

Nimina Lammuala Independence Day lawmnaah chief minister Lalduhoma'n police, fire service leh zirtirtu hna thawk ṭha chawimawinate leh, parade zinga ti ṭhate hnenah lawmman a hlan.

I-Day parade-ah hian school contingent-ah pakhatna chu St. Pauls' Higher Secondary School an ni a; pahnihna Assam Rifle Middle School leh pathumna Mizo High School an ni. Armed contingent-ah pakhatna 2nd Assam Rifles, pahnihna 10th Tripura Rifles leh pathumna 3rd MAP an ni a; unarmed contingent-ah pakhatna Sainik School, Chhingchhip, pahnihna 20 Mizo NCC (Hrangbana College) leh pathumna Mary Mount School Girls an ni.

Parade-ah hian contingent 27 an awm a; commander chu CID (Crime) deputy SP R Lalnunpuia a ni a, second commander chu CID (Crime) deputy SP Jeremia Vanlalhmachhuana a ni.