Delhi-a I-Day lawmnaah Mizo tel

Nimina New Delhi-a Independence Day vawi 78-na lawmnaah Mizoram aṭangin mi ṭhahnem tak an tel.

PIB aṭanga thu dawn danin, New Delhi-a I-Day lawmnaah hian special invitee anga tel turin Mizoram aṭangin mi 27 sàwm an ni a, sorkar department eng emaw zatin an aiawh turte thlangin an intir a; special invitee zinga ṭhenkhat chu an chhungte'n an ṭawiawm bawk a, hei vang hian tel zat chiah hriat theih a ni lo.

Mizoram aṭanga tel tura sawmte chu mi chi hrang hrang - hmeichhia, ṭhalai, village council member, accredited social activist, anganwadi worker leh NITI Aayog aiawhte an ni.

Heng bakah hian National Service Scheme volunteer duty turin Johnson College zirlai pahnih leh J Thankima College zirlai pahnih an kal bawk a; Mizoram NSS aṭanga an tel vawi khatna a ni.