Kuhva tawlhrûk thubuai CBI-in FIR an thehlut

Central Bureau of Investigation (CBI) chuan ram dang kuhva Mizorama tawlhrûk chungchangah August 7, 2024 khan Aizawl District Court-a Chief Judicial Magistrate (CJM) hnenah first information report (FIR) a thehlut.

Aizawl CJM hnena FIR thehluttu CBI, ACB, Imphal-a DIG & Branch head Dr Gagnandeep Singla, IPS chuan, ram dang kuhva tawlhrûk chungchangah Gauhati High Court Aizawl Bench-in July 16, 2024-ah FIR a ziah luh (register) tawh thu a tarlang a; High Court-in chhui turin CBI a hriattir angin CBI case no. RC0212024A0003 [RC 3(A)/2024-IMP] ziah luh a nih thu a tarlang.

FIR-ah chuan sorkar hnathawk zingah criminal conspiracy-a inhnamhnawiha puh an awm thu te, dan loa kuhva tawlh a nih theih nan document chi hrang hrang lem eng emaw zat siam leh hman a nih thute tarlan a ni bawk.