Horticulture dept. hmalakna thlirho

Horticulture changtu chief minister Zoramthanga hoin nimin khan kum 2019-20 chhunga Horticulture department hmalakna leh kum kal mek 2020-21 chhunga hmalakna hrang hrangte thlirho a ni.

Chief Minister chuan, kumin chhungin, a bik takin Covid-19 léng karah Horticulture department hmalakna zarah nasa takin thlai thar a pun thu a sawi a, "Department-in lockdown chhungin Vegetables and Fruits Supply Chain a kalpui avanga kut hnathawktute'n hlâwkna tam zawk an tél kha a lawmawm hle," tiin, department officer-te chu an thlen chinah duh tâwk mai lo a, ṭang lehzual turin a fuih.

Meeting-a tarlan danin, ripening chamber (thei um hminna kháwl) metric ton 8-a lian Sesawng leh Baktawng khuaa dahte chu balhla leh thingfanghma um hmin nan hman a ni a; rural market leh pack house-te pawh Mizoram hmun hrang hrangah ṭangkai taka hman a ni bawk.

Kumina thing phun hun laiin mau chìn lamah SEDP leh National Bamboo Mission (NBM) sum hmang ṭangkaiin Model bamboo Plantation-ah mau chìn bul ṭan a ni a; Hmunpui leh Lengpui khuaah chhungkaw 213-in ram hectare 208-a zauah mau an chíngin bul an ṭan a ni.