Damdawi zuarah fimkhur a ngai

Health Services hnuaia Food and Drugs Administration (FDA) chuan thuchhuah siamin, tunlaiin Aizawlah drug licence nei loa damdawi zuara vak kual an awm tih an hriat thu an tarlang a; chutiang mite lakah chuan fimkhur turin mipuite an chah.

FDA chuan, drug licence nei loa damdawi zawrh chu Drugs & Cos­metics Acts bawh­chhiat­na a ni a, kum 3-5 lung-in tàn leh Rs. 1,00,000 aia tlem lo chawitir theihna a nih thu an tarlang a, "Damdawi khai kuala sumdawngte leh an damdawi lâkna retailer/wholesaler-te hi man an nih chuan dan ang­in hrem an ni ang," an ti.