KHAWTHLIR

YMA leh CM
Central YMA hruaitute chuan nimin khan chief minister Lal Thanhawla a pisaah an hmu a, thil chi hrang hrang an sawipui. CYMA hruaitute hian Central Young Lai Association (CYLA)-in bandh an huaihawt chhan tihhlawhtlin dan tur te, kângmei laka fimkhurna leh Bamboo Day hman dan leh mau humhalh dan turte CM hi an sawipui a ni.

S. Korea palai
India rama South Korea ambassador Lee Joongyu chuan nimin khan Aizawl a rawn thleng a, Aizawlah zan hnih a riak ang. Lee Joongyu hi nizan khan chief minister Lal Thanhawla'n a bangla-ah zanriah a buatsaihsak a; vawiinah chief secretary leh NLUP Implementing Board hotute a kâwm ang a, chumi hnuah Ṭhuampuia Sericulture hmun leh CDAR a tlawh ang.

Oil palm sawiho
State Level Standing Committee on National Mission on Oilseeds and Oil Palm chu nimin khan Agriculture committee room-ah an ṭhukhawm. Meeting-a tarlan a nih danin Mizoramah hectares 20,377-a zauah oil palm hi chin mek a nih thu tarlan a ni.

MoU ziak
NIELIT leh ZENICS chuan nimin khan ICT secretary office-ah thawh dunna thuthlung, memorandum of understanding (MoU) an ziak. MoU ang chuan CCC Computer Course thla thum chhung man chawi loin a duh apiang tan zir theih a ni ang. Computer zir duhte chuan ZENICS office-ah zawhfiah theih a ni.

MJA-in rál dawn
MJA general headquarters chuan vawiin chawhma dar 12 hian MJA member K Sapdanga chu a pa K Chalkhuma'n a thihsan avangin Aizawl Venglaia an inah an rál dawn a; Aizawla MJA member zawng zawng leh district MJA member, Aizawla awm mekte kal vek tura beisei an ni.