Sum pek chhuah tlai vangin hna ṭan har

State Level Vigilance & Monitoring Committee (SLVMC) chu nimin khan RD minister R Lalzirliana hoin an ṭhukhawm a, RD ministry hnuaia scheme hrang hrang sorkarin a thawh dan leh hmachhawpte an thlirho. Meeting-ah hian IAY sum Finance department-in a pek chhuah tlai vanga hna ṭan har a nih thu tarlan a ni.

Meeting-a tarlan danin, kum 2014-15 chhungin IAY hnuaiah chenna in 1,293 sak tum a ni a, first installment sum cheng nuai 480.838 hmangin chenna in 580 sak mek a ni. Hna ṭan har a nih chhan chu sorkar laipuiin IAY fund July 11, 2014-a a pek tawh, Finance department-in December 4, 2014-a a pek chhuah chauh vang a nih thu RD offcial-te chuan an sawi.

Kum 2014-15 atan February 17, 2015 thleng khan MGNREGA hnuaia sum hmuh tawh zat chu cheng nuai 10,166.7 a ni a, chawhrualin chhungkaw 1,85,929 tan ni 21 inhlawhna siam tawh a ni. Inhlawhna siam tura ruahman zat chu ni 42-in an phak lo a, Ministry of Rural Development allocation 46%-a tihtlem vang a nih thu an sawi.

PMGSY hnuaiah kum 2014-15 chhungin kawng 217 siamna tur sum hmuh a ni a, kawng 184 chu siam zawh tawh a ni.

Meeting-ah hian parlia-mentary secretary (RD) Lt.Col. ZS Zuala, MLA Lalrinawma leh sorkar offcial-te an tel a ni.