Bru chungchangah thuneitute inkawm

Bru lak let dan turah nimin khan Kanchanpur, Tripura-ah Mizoram leh Tripura sorkar aiawhte leh Bru pawl hruaitute an inkâwm khawm a; thil pawimawh chi hrang hrang an sawi.

Meeting-ah hian Bru pawlte chuan tun hnaia Union Home minister Rajnath Singh-a'n Bru relief camp a tlawh ṭuma an thu lo thlen, demand thar an siamte chu an pharh a, sawiho a ni a; Bru lak let dan turte an sawiho bawk. Hetih lai hian, Bru lâk let hun tur erawh chu sawi fel a la ni lo. Mizoram aiawhte hi Home addl. secretary Lalbiakzama'n a ho a ni.