Joint CEO-in Mizoramah NERPAP a hawng

Election Commission of India (ECI) thupek angin, electoral roll dik leh felfai zawk neih theih­na tur programme, National Electoral Roll Purification and Authentication Prog­ramme (NERPAP) chu nimin khan joint chief electoral officer FJ Lian­tluanga'n I&PR conference hall-ah a hawng.

FJ Liantluanga chuan NERPAD chungchang leh hmalak a nih dan tur a sawifiah a; a hlawhtlin theihna atan political party, tlawmngai pawlte leh chanchinbumite thawhpuiah a sáwm.

Janaury 2015-a Elec­­­toral Roll Special Summary Revision neih zawh hnuah hmun hrang hrang aṭangin ECI chuan sawiselna ṭhahnem tak a dawng a; roll revision neih zawh hlima sawisel tur a awm chu state ṭhenkhata thawktute'n mawhphurhna an hlen tawk loh vangah a ngai. Chuvang chuan electoral roll dik tak a awm theihna atan NERPAD hi a duang a ni.

NERPAP kalpuina atan booth level officer (BLO)-ten Booth Level Awareness Groups (BLAG) an din ang a, sor­kar hnathawk, VC/LC aiawh, NGO aiawh, sikul/college aiawhte leh NYK aiawhte an tel ang.

NERPAD thil tumte:
• EPIC-a Aadhar no. dah. Hei hi elector tihchianna, hmanraw ṭha tak tura ngaih a ni.
• E/Roll hmun khat aia tama awmte inhriattir/puanchhuah theih nan. Hetiang hi a awm chuan an chen nghehna ordinary residence ni lo aṭangin form 7 hmanga paih tur a ni.
• EPIC thlalak chiang lo thlaksak dilte an awm chuan thlaksak tur.
• E/Roll-a mimal nihna (particular) dik lo tihdik. E/Roll database-a elector-te mobile phone no. emaw email address dah luh. An neih loh pawhin a chhungte number tal dah luh.