Ram endik nawnna ṭan a ni

NH-54, Kawnpui leh Sairang inkar kawngpui zauh hna thawh mekin a tih­chhiat ram neitu mi 87, zangnadawmna la dawng lo nia insawite ram chu nimin zing aṭang khan endik nawn ṭan a ni a; ram endik zingah pathum a dik lo tih hriat chhuah a ni.

Kawngpui zauhna atana ram lak enfiahnaah hian Revenue department-a assistant settlement officer Zoramsiama leh PWD SDO (NH) Lalnuntluanga-te an kal a; V/C leh Awithangpa Group YMA hruaitute an tel bawk.

Ram endik lai hian ram neitute chu an ramah ṭheuh awm tura hriattir an ni a, thlai tihchhiat zat leh ram chhia zau zawng teh nawn a ni. Tun ṭumah hian ram leilung hlutna lam hawi zángnadawmna pek an ni dawn lo a, ram neitute'n an mahni ram ṭheuh an hauh chhunzawm thei dawn a ni.

Thlai endiknaah hian zángna­dawmna phût zat chu cheng nuai 20-25 inkar vela a tlakhniam rin a nih thu, thudawnna chuan a sawi.