NLUP-a bawng sem kim a ni

NLUP second phase hnuaia bawngvulh thlangtute hnenah nimin khan Vairengteah bawng pêk chhunzawm a ni a; heti hian NLUP second phase-a bawng vulh thlangtute hnenah bawng pek kim a ni.

Vairengte-a NLUP bawng dah lailawkna hmun (quarantine station) aṭangin nimin khan Aizawl district-a bawng vulh thlangtute hnenah bawng 18 sem a ni a; chungte nen chuan NLUP-ah bawng 1,490 vel sem a ni. NLUP second phase-ah hian Septenber 13, 2014-ah bawng sem ṭan a ni a, thla ruk vel chhungin an sem zo a ni.

NLUP second phase-ah hian bawng 1,496 lakluh a ni a, chung zingah chuan kalkawnga thi pakhat awm­in, quarantine station-ah pasarih an thi a ni.