M/S zirtirtute'n sikul ṭan hma ṭha an ti

Mizoram Middle School Teachers’ Association (MSTA) chuan thuchhuah siamin, sorkarin sikul kai hun ṭan hma tura thutlukna a siam chu ṭha an tih thu leh, MSTA General Conference-a an lo rel thlûk tawh a nih thu an tarlang.

MSTA chuan, kum dangah hlawh indaih lo reng renga an awm ṭhin thu sawiin, "Kuminah chuan February thla thleng hlawh (Plan & Non-Plan) atan LOC an han pe chhuak hi kan lawm hle a ni," an ti a; M/S headmaster-te SDEO-a kaisanna tur tihfel a ni chu lawmawm an tih thu an sawi.

M/S zirtirtute selection grade leh senior grade-a kaisanna arrear tihfelsak an nih avangin lawmawm an tih thu te, CSS Hindi teacher 1,305-te hlawh tur pawh February 2015 thlengin Central-in a pe chu lawmawm an tih thu te, SSA leh midday meal atana state matching share tun hnaia tihfel a ni chu lawmawm an tih thu te, Education Centre sak tum mek a nite chu lawmawm an tih thu an sawi bawk.