Thli vangin exam-ah harsatna tenau

Higher Secondary School Leaving Certifcate (HSSLC) examination neih mekah nimin khan Region Higher Secondary School, Lawngtlaia exam-te chu thli tlehin sikul bang leh tukverh a tihchhiat avangin chawlh lailâwk tir an ni.

Thu dawn danin, nimin chhun dar 12 vel khan Lawngtlaiah thli nasa takin a tleh a, thli tleh zawh hnuah zirlaite chu pindan dangah exam chhunzawmtir an ni. Region HSS-ah hian sikul 14 aṭangin zirlai 374-in exam an hmachhawn a ni.