Lawngtlai district-a V/C-te inhmukhawm

Lawngtlai District Village Council Asso­ciation (LDVCA) chuan nimin khan Central YLA Hall-ah General Con­ference an hmang a, par­liamentary secretary H Zothangliana'n a hmanpui.

H Zothangliana chuan, sorkar a ṭhat em avangin mi tam tak chuan nun an hmang thiam mang tawh lo niin a sawi a, "Kan mamawhte sorkar hnen aṭanga a dawna dawn tumna rilruin min tibuai hle. Hei hi kan paih bo a ngai; thawh chhuah nei, ram hmasawnna tura tha thawhtu ngei nih kan tum zawk tur a ni," a ti a, V/C member-te chu mi dangte zirtirtu leh entawn tura awm turin a fuih.

H Zothangliana chuan, Lawngtlai dis­trict mipuite'n an district chhunga sorkarin hma­sawnna hna a thawhte an chîk lo ang tih a hlauh thu sawiin, "Kum 10 kal ta vel aṭanga hmasawnna hmel thar kan hmuh ringawt pawh hi a tam tham hle a ni ," a ti.

LDVCA conference hi an vice president T Rualkhuma'n a kaihruai a, SIRD state coordinator Dr H Laldinmawia buat­saih 'Leilung hau­sak­na enkawl dan leh chumi kawnga V/C te mawhphurhna' tih an zirho a ni.