Chapchar Kut Flower Show ṭan a ni
Art & Culture, Horticulture leh Mizoram Florist Association ṭangkawp chuan Chapchar Kut denchhenin nimin khan Assembly Annexe-ah Chapchar Kut Flower Show an buatsaih a, Horticulture minister PC Lalthanliana'n a hawng.
PC Lalthanliana chuan, pangpar chìn chu tun hma chuan hobby chi khat ang deuha hman ṭhin a ni tih sawiin, "Tunah chuan kalphung inthlakin, eizawnna, sum hai luhna hmanruaah a lo chang ta. Mizorama puipunna leh programme pawimawhahte pangpar tharlám mawi tak a khawi hmuh tur a tam ta hi a lawm a, nun a tihhlim a ni," a ti.
Flower show hawnnaa tarlan danin, kum 2009-a Mizoram Florist Association din a nih aṭangin member-te'n pangpar cheng nuai 100 chuang man an hralh tawh. Chapchar Kut Flower Show hian March 6, 2015 thleng a awh dawn a, dawr 41 hawn a ni.