Lirthei laka mipui himna tur sawiho

Nimin khan Trans­port minister John Ro­tluangliana hoin State Road Safety Council an ṭhukhawm a, mipui van­­tlang tan lirthei leh a chhehvel a him zawk theihna atan hmalak dan tur an sawiho.

John Rotluangliana chuan, "Driver tam tak­in dan an zâwm a, an fimkhur em em laiin, dan hre lo lutuk leh mi dangte ngaichâng reng reng lo, fiamthu paha motor khalh chíng an la awm ṭhin hi chhinchhiaha zirtir an ngai. Chetsualna thlen chhan 95 % hi chu driver-te mawhphurhnaah ngaih a nih avangin mipui him zawk nan uluk tak leh khauh zawka dan leh thupek kenkawh a ṭul a ni," a ti.