Vawiinah Hmeichhe Inkhawmpui ṭan a ni dawn
Presbyterian Kohhran Hmeichhe Inkhawmpui Lian 2015 chu zanin hian Mamit khelmualah ṭan a ni dawn a, vawiin hian palai tam zawkin Mamit an pan ang.
Vawiinah Mamit lam pan lirthei kal a tam dawn avangin Rawpuichhip leh Dampui inkara lirthei kal dan tur siam fel a ni. Aizawl lam aṭanga Mamit lam pante chu chawhma dar 11 leh chawhnu dar 3 inkarah Tut lei kal tlang tur a ni a; Mamit lam aṭanga Rawpuichhip pan turte chuan chawhma dar 11 hmain Tut lei an pel vek tur a ni.