Mi rubotu thiam loh chantir

February 19, 2013-a Dampa ngaw chhung aṭanga mi panga rûkbonaa inhnamhnawiha puh, Bajiram Reang chu Court-in thiam loh a chantir a; March 9, 2015 a hremna tur (judgement order) tihchhuah a ni ang.

February 19, 2013 zing dar 4:30 velah Dampa Tiger Reserve chhunga hna thawk mi panga - Nelson Vanlalruatkima (28) leh a nau Lalrinmawia (22) s/o K Thanzama, Hunthar Veng, Aizawl; Vanlalfaka Riang (30) s/o Kimthanga, Damparengpui; Lal­sangmawia (32) s/o H Vanlalsanga, West Phai­leng Bethlehem Veng leh Lalliansanga (42) s/o Zomuana (L), Teirei Forest te chu NLFT nia hriatte'n an rubo a, thla khat hnuah an chhuah a ni.