Lalduhoma lakah FIR thehlut

Sihhmui Joint NGO leh V/C chuan an tui tlan mek chu Lalduhoma, Ex-MLA-in Sihhmui leh Tlawng lei inkarah a pawhpênsak niin an tarlang a; hei vang hian March 4, 2015 khan Sairang Police Station-ah FIR an thehlut.

Sihhmui Joint NGO leh V/C-te tarlan danin, an khaw tui tlan turin PHE department-in Tâtkawng lui aṭangin tui an lak sak a; Lalduh­oma chuan Sihhmui leh Tlawng lei inkar, Uiluphûm bulah main line pipe verh pawpin, a huan­a hman atan khawtlang hriat lohin pipe dangin a pawtpêng tih February, 2015-ah an hre chhuak a ni.

An khaw tui tlan lak pên a ni chuan an rilru a tihnat thu sawiin, Sihhmui NGO leh V/C-te chuan, "Hetianga kan khawtlang zah loa kan tui tlan a lo la peng hi inchhira khawtlangah ngaihdam a dil kan beisei laiin, vawiin thlengin a hmel kan la hmu lo," an ti a; tun hnuah sorkarin khawtlang tana a hmalakna mimalin lo tichingpen tawh lo se an duh thu an sawi bawk.