Zu dah khawmna tur hmun enfiah

Excise & Narcotics department (END) secretary PC Lallawmsanga chuan chuan nimin khan Phunchawnga zu chhêk khawlna tur SS Enterprise leh RTP Bonded Warehouse a tlawh.

PC Lallawmsanga chuan warehouse a tlawh chhan sawiin, "March, 2015 thla laihâwlah MLPC Act anga zu chhêk khawl leh hralh chhuah a nih theih nana hna pawimawh chinfel hmasak ngai zing­ah warehouse sak zawh hman ngei hi a tel vang a ni," a ti. Warehouse ven­him hna ruahman dan te, electric hrui thlun luh dan te, warehouse luhna bula END site office te, quarter leh duty post-te leh bungrua thiar luhna tur leh thiar chhuahna tur hmunte a enfiah a ni.

Excise commissioner Lalhmunsanga chuan, an department chu MLPC Act a taka hmang tura an inpeih­fel tawh thu a sawi a, "Official-te mawhphurhna hrang hrang leh posting pawh siam fel vek a ni tawh," a ti.