Lammualah Food Fest ṭan a ni

Industries department chuan nimin khan Lammualah Chapchar Kût pualin Food Fest an buatsaih a, Industries minister H Rohluna'n a hawng. Food Fest hian March 7, 2015 thleng a awh ang.

Minister H Rohluna chuan, State Food Processing Mission kal­tlangin sorkarin ei tur siam kawnga eizawnna bul ṭan turte a ṭanpui ṭhin tih sawiin, "Sorkar laipuiin scheme ṭhenkhat a tihtawp tur zingah National Food Processing Mission a tel avangin, hemi kawngah hian sorkarin hma a lak zel dan tur hriat theih a la ni lo," a ti.

Chapchar Kut Food Fest hi zing dar 10 aṭanga tlai dar 5 thleng tlawh theih a ni a, stall 22 a awm a ni.