'Spenser Confidential 2' a chiang

Kumin March thlaa tlangzarh, Mark Wahl­berg leh Winston Duke-te channa Spenser Con­fidential chuan part 2 a awm dawn tih director Peter Berg chuan a sawi.

Netflix action-comedy movie chhunzawmna hi nakkum kum tawpah emaw kum 2022 kumtir lamah emaw an chang ṭan dawn a,  Peter Berg chuan,"Script hmasa ziak­tu Brian Helgeland chuan kar hmasa khan draft hmasa ber a zo leh tawh a,  'Spenser Confidential 2' chu kan siam leh ngei dawn a, a hun tur erawh kan la ngaihtuah mek a ni," tiin Collider a hrilh.

'Spenser Confidential' siam­tute chuan Mark Wahl­berg chu tunah chuan Germany-ah film changin a awm mek tih an sawi a,  Berg pawhin Wahl­berg nena thawhdun chu nuam a tih thu sawiin a film siam chhunzawmnaah pawh hian a chan leh ngei hmel hle.