Aizawl páwna lei laih khapna

Aizawl district magistrate Lalhriatpuia chuan Aizawl district-a lei laih khuahkhirhna a tichhuak a; AMC páwn lama national highway, state highway, khaw kar kawng leh khaw chhung kawng hrûlah lei laih, a bikin kopang lam laih khap a nih thu a puang.

District Magistrate chuan, kawngpui aṭanga metre 100 huam chhunga lung hâlin kawngpui bula lei a tinghet lo tih tarlangin, "Hei hian leimin leh chhiatna nasa zawk a thlen theih avangin permit nei lo tan lung hâl khap tlat a ni," a ti. Khapna thupek zâwm lote chu BNS Section 223 hmanga hrem theih an ni.