BJP an khi nasa lutuk hian tun term hi an daih lo ang an ti - Zodintluanga

Congress party chuan nimin khan Congress Bhavan, Aizawlah poli-tical session an hmang a; All India Congress Com­mittee (AICC) member ni mek Zodintluanga Ralte chuan, central lama BJP a khi nasa a, tun term pawh an daih loh an ring niin a sawi.

Zodintluanga Ralte chuan, "Sumdawng kan ṭhiante chuan BJP an khi nasa lutuk hian tun term hi an daih lo ang an ti. Home minister Amit Shah leh Uttar Pradesh chief minister Yogi Adityanath inngeih lohziate an sawi daih a ni," a ti. Chutih laiin, Rahul Gandhi inthlak nasatzia te, a leadership hmasawn nasatziate an sawi nasa nia sawiin, "Inthlan leh chu Congress sorkar hun a ni mai an ti a, chu chu ka rawn hawn a ni," a ti.

Inkhawmah hian MPCC general secretary PC Laltlansanga pawhin thu sawiin, "ZPM hi la sorkar ngai lo, enchhin sorkar an ni a, anmahni sawisel nan a la hma a, kum pawh a la vei lo... An sorkar tirh khan an CM khan ni 100 chhunga tihhlawhtlin tur an puan zingah khan MSSSB ṭhiah leh board din chiah a tihlawhtling a, a bak chu a tihlawhtling lo vek a ni," a ti a; 'CBI general consent kan pe' an tihte chu mipuia lan mawi tum­na niin a sawi bawk.