KHAWTHLIR

Thiin chhar
March 4, 2015 zan dar 7 vela Aizawl chhuahsana mahni chauha Lunglei pana tlan, T Lalthanzama (44), Zohnuai, Lunglei chu nimin khan Sailam ram kawng thlangah chesuala hmuh a ni. T Lalthanzama hian an in a thlen mai loh avangin March 5 aṭang khan a chhungte'n an zawng a, a motor-a chesualin an hmu ta a ni. A ruang hi nimin vek khan Sialsuk damdawi-inah enfiah a ni.

Tel turin sawm
Mizoram Cancer Care Foundation (MCCF) chuan vawiin hian Zemabawka cancer damdawi-inah an dincham an lawm dawn a, an member-te bakah an pawl ṭanpui ṭhintute tel turin an sawm.

CYLA kâwm
Lawngtlai West bialtu MLA C Ngunlianchunga leh Lawngtlai East bialtu MLA H Zothangliana-te chuan, Ningani khan Lawngtlai Circuit House-ah Central YLA hotute an kâwm a; tun hnaia total bandh buatsaih a nih chhan hrang hrangte an sawipui.

Secretary sawn
Food Civil Supply & Consumers Affairs leh School Education changtu secretary R Lalvena, IAS chu Mizoram aṭangin Chennai-ah a awm dawn. R Lalvena hna chelh tur hi tihfel a la ni lo.

Indin thar
MPC party ṭhalaite chuan thuchhuah siamin, tunlai hian Aizawl khawpui veng hrang hrangah special unit drive an nei a, MPC unit awm mumal tawh lohna veng hrang hrangah unit an din thar leh mek niin an tarlang.

Thing lakhawm
Ngopa branch YMA chuan nimin khan TNT Zuangtui tan thing tuah tur hnatlangin thing an la lakkhawm a, member ṭhahnemtak an thawk chhuak.

Khawmpui tan
Zoram Hmeichhe Inkhawmpui Lian vawi 46-na chu nizan khan Mamit khelmuala pandal sakah ṭan a ni a, nimin tlai dar 5 vel thleng khan palai 6,500 chuang an thleng tawh. Nizan khan palai lawmna inkhawm neih a ni a, vawiinah rorel inkhawm neih a ni ang a, nak zanah a ṭiak ang.