Nuai 178.91 pek chhuah leh beisei

Mizo Students' Union chuan thu­chhuah siamin, sorkarin post matric tribal scho­larship a pek chhuah mekah Mizoram sorkar tum ve tur 10% chu cheng nuai 360 ni loin, nuai 538.39 a nih thu an tarlang a; Mizoram sorkarin nuai 360 a pek chhuah bâk nuai 178.91 pawh an pek chhuah leh ngei an beisei thu an sawi.

MSU chuan, "February 4, 2015 khan Mizoram Scholarship Board secretary chuan H&TE under secretary hnenah ziakin a lo thlen tawh a, hei hian nuai 360 chauh a ni lo tih a nemnghet," an ti.

MSU chuan, sorkar laipuiin post matric scho­larship tur 90% a rawn tum vek tawh chu tunah hian cheng nuai 1,500 chuang sem chhuah theih lohin sorkar sum báwmah a la táng mek niin an sawi a; chungte chu Mizoram páwna Mizo zirlaite leh Mizoram chhung zirna in ṭhenkhata mite dawn tur a nih thu sawiin, sem chhuah a la nih loh chhan sawifiah turin sorkar an phût a ni.