Beti Bachao, Beti Padhao vai liam

Beti Bachao, Beti Padhao (BBBP) (Save the Girl Child) hnuaia Saiha district chhung thingtlang khaw hrang hranga awareness campaign neia kal turte chu, nimin khan MADC chief executive member RT Zachono-in DC office kawt aṭangin a vai liam.

RT Zachono chuan, chuan India ram hmun tam takah nausen hmeichhia hnualsuatna leh duh lohna a awm ṭhin tih sawiin, "BBBP scheme kalpui nana Saiha district an rawn thlan chhan erawh chu hmeichhiate hnualsuat vang leh duh loh vang nih loin, kan IMR san lutuk vang zawk a ni," a ti a; awareness campaign-a kal turte chu BBBP remchanga hmang a, zûk leh hmuam ṭhat lohzia leh faina chungchang tlangaupui nghal turin a chah.

BBBO hi sorkar laipuia Ministry for Women & Child Development hnuaia programme buatsaih a ni a, Saiha district-ah hian a kaihhnawih sorkar official-te leh hmeichhe tlawmngai pawl pathum - MChP, MHIP leh LWA ṭanghoa kalpui tur a ni.

He scheme hi India rama hmeichhia leh mipa nausen piang tam dan inthlauh zualna district 100-ah kalpui a ni.