Falkawnah H1N1 natna sawiho

Integrated Disease Surveillance Programme (IDSP)-a thawkte chuan Inrinni khan Falkawn khua an tlawh a; Falkawna kohhran, V/C leh NGO hruaitute kâwmin, H1N1 (Swine flu) chungchang an sawipui.

IDSP hotute chuan, H1N1 chu hriat chian loh avangin natna ṭih­baiawma ngai an awm ṭhin tih sawiin, "A awmzia leh invenna hre chiang tan thil hlauhawm a awm lo," an ti. H1N1 vei hmuh chhuah a nih chuan State Referral Hospital, Falkawn chu a enkawlna hmun tura ruahman a ni.

Hetih lai hian, Mizo­rama H1N1 vei nia rinhlelh chungchanga sample pathum hmunpui lamah thawnte chu endik a ni tawh a, H1N1 hrik hmuh a ni lo.

Lengpui Airport-ah leh Vairengteah H1N1 endik ṭhin a ni a, Aizawl Civil Hospital-ah pawh H1N1 an vei leh vei loh hre duh tan chuan inentir theih a ni.