Maxi-cab chesualah mi 3 thi

Nimin zing khawvar hma, dar 2 vel khan NH-54, Kawnpui-Khamrang inkarah maxi-cab AS-11 AC-7733 chesualin, kawng thlangah a tla a, a hmunah mi pahnih an thi a, Kawnpui damdawi-inah mi dang pakhat a thi leh bawk.

Maxi-cab chesuala a hmuna thite chu Jagdish Yadav (45), Uttar Pradesh, 162 Bn. BSF, Lungleia awm mek te, Biresh Ch Das (50), Karimganj, Lungleia PWD mechanic an ni a; damdawi-ina thi chu Surandorai (40), Karimganj a ni. Mi dang 11 an hliam a, hliam zinga panga chu naupang kum 10 hnuai lam an ni.

Mitthite ruang hi ni­min vek khan Kawnpui damdawi-ina enfiah a nih hnuah an chhungte'n an la a, BSF sipai ruang erawh chu BSF lamin an la a ni.