MPSC-in kum 2010-2014 chhungin MCS, MPS, MF&AS tur mi 100 a la

Mizoram Public Service Commission (MPSC) chuan tun hnai kum nga chhung, 2010 aṭanga 2014 thleng khan sorkar hnathawk group-A - MCS, MPS leh MF&AS atan mi 100 a la thar.

RTI Act hmanga zawhna MPSC SPIO-in a chhan danin, MPSC-in tun hnai kum nga chhunga sorkar hnathawk group-A tur a lak zinga tam ber chu Mizoram Civil Service (MCS) niin, mi 55 an ni a; kum 2010-ah MCS atan mi 10, kum 2011-ah mi 10, kum 2012-ah mi 10, kum 2013-ah mi 15 leh kum 2014-ah khan mi 10 lak an ni.

Mizoram Police Service (MPS) tur chu kum 2010-ah lak a ni lo a; kum 2011-ah mi 10, kum 2012-ah mi 10, kum 2013-ah mi panga leh kum 2014-ah mi 10 lak a ni a, a vaiin mi 35 an ni. MF&AS tur erawh chu kum 2010 leh 2014-ah lak a ni lo a; kum 2011-ah mi panga, kum 2012-ah mi pathum leh kum 2013-ah mi pahnih lak a ni a, an vaiin mi 10 an ni.

Kum nga chhunga MCS lakte zingah optional subject atan Sociology thlang tam berin, mi 21 an ni a; Public Administration thlang mi 11 an awm. Subject dang langsar zualte chu - Economics, Home Science, Mizo, Zoology, Botany leh Chemistry-te a ni.

MPS-a tlingte zingah pawh optional subject atan Sociology thlang tam berin, mi 15 an ni a; Subject dangte chu - Political Science & Inter Relations, History, Che­mistry, Home Science, Public Admi­nistration, Mizo leh Geography te a ni. MF&AS-a tlingte'n optional subkect-a an thlante chu - Sociology, History, Mizo, Zoology, Psychology, Edu­cation leh Mathematics-te a ni.

Hna thawktu lakte hi OMR application form dil ṭhin a nih avangin an lehkha zir chhuahna hmun an hriat theih loh thu an sawi.