Chapchar Kûtah mi 38 man

March 6-a Lammuala Chapchar Kût hmannaah police-te'n mi dang tana hnawksak zual leh buaina siam zu rûi mi 38 an man a, Aizawl Police Station lock-up-a zan khat an riahtir hnuah thubuai siamsak loin a tukah PR bond hmangin an chhuah leh vek.

Police aṭanga thu dawn danin, Lammuala Chapchar Kût hmanna zu rûi an tam hle a, rûi nazawng man loin, mahni inthunun zo lo fál te, buaina siam leh mi dang tana hnawksaka khawsate man an ni a, Aizawl PS-a an hruai zat chu mi 38 an ni. Police-te chuan, mi 38 an mante zingah kum tling lote an awm avangin hotute thupek angin Court thlenpui loin PR Bond-in an chhuah tih an sawi.