Hmasawnna ruhrel dinna tur hmun tlawh

Adviser to CM (technical) H Ginzalala, Champhai North bialtu MLA hoin August 17, Inrinni khan sorkar hotute'n Champhai district leh Champhai North Assembly constituency chhunga hmasawnna ruhrel din tumna hmunte an enfiah. MLA chuan, hna thawh ṭan hmain leivûng paihna mumal tak ruahman a ṭul thu a sawi.

Sorkar hotute hian Champhai Khankawn Police Checkgate bula leivûng paihna (soil bank) siamna tur leh NH-06 kawngpui Tuipui-Tuimuk inkara Center of Excellence: Recreational Center cold storage leh bazar awm kawp theihna tur hmunhmate an enfiah a ni.

H Ginzalala chuan, ram leilung tichhe tlem zawnga hmasawnna hna kalpui a ṭul thu a sawi a, "Hna tak tak thawh ṭan hmain soil bank mumal tak ruahman lâwk a ṭul a ni," a ti.

Enfiahnaah hian Champhai bawrhsap VL Remliana, Khawzawl bawrhsap Vanlalṭhiana bakah, sorkar department hotute leh khawtlang hruaitute an tel a ni.