SSA-a thawkte hlawh tur tifel

Parliamentary secre­tary (School Education) Joseph Lalhimpuia chu New Delhi-ah sorkar laipui hotute dawrin a chám mek a; Mizoram SSA-a thawkte hlawh tur la pek chhuah loh chu a sawi chhuak a, nimin khan sanction order la chhuakin, vawiina RBI-a thun turin a tihfel.

Joseph Lalhimpuia hian School Education hmalakna hrang hrang bawhzuiin Ministry of Human Resource Development leh Ministry of DoNER hotute a dâwr tawh a; SSA-a thawkte hlawh tur a sawi chhuah bakah hian, RMSA sum tur pawh tifel thuai turin a ngen a ni.

Hetih lai hian, Mizo­ram SSA hnuaia thawkte hian thla thum hlawh a la tawh lo nia thu dawn a ni.

Joseph Lalhimpuia hian Trade & Commerce leh Industries department thil pawimawhte tiin sorkar laipui hotute a dawr kual leh dawn a ni.