Rubotute zinga mi dam chhung táng dawn

February 19, 2013-a Dampa ngaw chhung, Chikha aṭanga mi panga rûkbonaa inhnawmhnawih Lochiram Reang chu Court-in dam chhung táng turin a hrem.

Lochiram Reang hi Aizawl district-a Additional Session Court chuan March 4, 2015 khan thiam loh a chantir tawh a, a hremna tur erawh a puang nghal lo. Lochiram Reang hremna hi Thawhṭanni khan puan tura tih a ni a, mahse Court-a hruai a nih loh avangin nimin khan hremna hi puan a ni.

February 19, 2013 zing dar 4:30 velah Dampa Tiger Reserve chhunga hna thawk mi panga chu NLFT nia hriatte'n an rubo a, thla khat chuang hnuah an chhuah chauh a ni. He inrûkbona kaihhnawihah hian Bajiram Reang chu a hnuah man a ni.