CK Bamboo & Wood Product khârsak a ni

Dan loa thing zaia puh, CK Bamboo & Wood Product, Thingdawl chu Environment & Forest department-in an industry an khârsak a, an thing zai tawh sa pawh an mansak.

Thu dawn danin, CK Bamboo & Wood Product hian nikum aṭang khan teak thing an zai a, titawp tura hriattir an ni. An tihtawp loh avangin nimin khan E&F department hnathawkte chuan an industry chu khârsakin, an thingzai leh khawl hmanga sawngbawl tawh eng emaw zat pawh an man sak a ni.

CK Bamboo & Wood Product-a thawkte chuan, timber transit pass pahnih - Rualkhuma, Kawrte­thawveng ta, Dhupri, Guwahati hmuna thawnna tur leh Lalhmangaihi, Lengpui hming, Lengpui Furniture workshop-a hman tur an nei a ni.