Bungraw hlân/hlân thlâk theih hun tihdanglam a ni

Aizawl Traffic SP Stephen Lalrinawma chuan hriattirna chhuah­in, Aizawl khawpuia lirthei tam zual laia kawngpui dunga lirtheia bungraw hlân leh hlân thlak phal loh hun siam thar a nih thu a tarlang. Hriattirna zâwm lote chu MV (Amend­ment) Act, 2019 Section 177 hmanga hrem theih an ni.

Traffic SP tarlan dan­in, Aizawl khawpuia lirthei tam zual lai hun (peak hour)-ah LMV, pick-up leh a aia lian lir­thei hmanga dawr/bazar bungrua bakah, bung­raw dang reng reng kawng­pui dunga hlân leh hlân thlak (load & unload) phal loh hun chung­changa July 22, 2024-a thupek chhuah tawh chu tihdanglam a ni.

Ruahmanna thar ang chuan, Thawhṭanni - Inrinni inkarah ni tin zing dar 8:30 aṭanga chawhma dar 10:30 inkar leh, tlai dar 4-6 inkarah kawngpui dungah lirthei aṭanga bungraw load & unload phal loh a ni.