Thingdawl leh Kawnpui inkarah lirthei lian kal theih loh hun siam

Kolasib SP David H Lalthangliana chuan thupek chhuahin, tun hnaia Seṭhawn leh Kawnpui quarry inkar kawng chhia vanga sikul naupangte'n harsatna an tawhte a ziaawm theih nan leh, chak lehzuala kawng siam hna thawh a nih theih nan lirthei tlan dan tur a tichhuak a; thupek zâwm lote chu MV Act hmanga hrem theih an nih thu a tarlang.

Kolasib SP tarlan danin, Thingdawl leh Kawnpui inkar kawngpui (National Highway)-ah zing dar 8-9 leh tlai dar 3-5 inkarah lirthei lian, ke paruk nei chin leh a chung lam tlân phal a ni lo. Lirthei lian tlan phal loh chhungin Kwnpui lam pan HMV-te chu Thingdawl leh Kolasib inkar kawngpui sirah lirthei veivak tibuai loa din tur a ni a; Kolasib lam pan HMV-te chu Kawnpui dái leh tlang kawng inkar zau laiah din tur a ni.