AMC-in Aizawlah thil zawrh theihna hmun 72 puan an rel

Aizawl Municipal Corporation (AMC) Town Vending Committee chu August 21, Nilaini khan AMC commissioner K Lalhmingliana hoin AMC Conference Hall-ah an ṭhukhawm a; Aizawl khawpuiah thil zawrh theihna hmun 72 puan a, chumi pawn lam zawng chu thil zawrh phalna lohna hmuna puan an rêl.

Ṭhutkhawmah hian The Mizoram Street Vendors (Protection of Livelihood and Regulation of Street Vending) Act, 2014 & Rules 2017-in a sawi angin, hmun bik neia inzawrh theihna (regular stationary vendor) tur bik vending zone hmun 41 leh, hunbi nei loa inzuarte (temporary vendor) tan temporary vending zone hmun 31-ah siam rawtna an pawm. Vending zone ni lo, hmun dang zawng chu thil zawrh phal lohna (no vending zone)-a puan nghal an rel a ni.

AMC chuan regular stationary vendor-te tan identity card a siamsak mek a ni.