Thenzawlah ran talhna-in neih duh

Thenzawl SDO (Civil) K Lalhlimpuia kaihhruaiin nimin khan SDO(C) conference hall-ah Thenzawlah thianghlim zawka sa leh chawhmeh zawrh dan tur sawiho a ni a; Thenzawlah ran talhna in (slaughter house) a awm theih nan hmalak an rel.

Ṭhutkhawmah hian AH&Vety leh Commerce & Industries department aiawh te, Thenzawl Joint VC, Thenzawl East VC, Thenzawl Kanan VC, Thenzawl Joint YMA leh Thenzawl Sa Ser Association hruaitute an tel. Thianghlim zawka ran talh a nih theih nan Thenzawlah slaughter house a awm ngei theih nan hmalak an rêl bakah, sa zawrhna leh kawngpui dunga chawhmeh zuara ṭhu ṭhinte chu Thenzawl East Market-ah insawn lut vek tura hriattir an rêl a ni.

Nimin vek khan Thenzawl East Market leh slaughter house sakna hmun tura rawtte an tlawh nghal bawk.