Hnahthial dist-ah dan loa damdawia sumdawn khap

Hnahthial DC Rita Lalnunmawii Pachuau chuan hriattirna tichhuakin, Hnahthial district-ah sorkar hriatpui loh damdawi lam thiamna nei nia insawi a, damlo enkawl leh damdawi hmanga sumdawn khap a nih thu a puang.

Bawrhsap chuan, "Sorkar phalna nei loa damdawi thiamna leh damdawi hmang a sumdawn hi mihring hriselna atan a him lo a, thihna hial thlen thei a nih bawk avangin Hnahthial district-ah khap tlat a ni," a ti. Sorkar hriatpui loha damdawi lam thiamna nei nia insawia damlo enkawl leh damdawi hmanga sumdawngte hriate chu Hnahthial Chief Medical Officer phone number 9862327400 emaw, DC emaw hnenah hriattir vat turin mipui a chah a ni.