Mamit district CD ratio 73.30%

Mamit District Consultative Committee chu nimin khan Mamit SDO (Sadar) Carolyn LB Khiangte kaihhruaiin DC conference hall-ah lead bank leh line department aiawhte nen an ṭhukhawm a; April - June 2024 chhunga Mamit district-a bank-te credit deposit ratio chu 73.30% a nih thu tarlan a ni.

Ṭhutkhawmah hian kum 2024-25 financial year-a quarter hmasa ber, April-June chhunga Mamit district-a bank hrang hrangte hmalakna thlir let a ni. An tarlan danin, April-June quarter-a Mamit district-a bank-te CD ratio chu 73.30% a ni a, January-March 2024 chhunga CD ratio 74.11% an pha lo.

April-June chhung hian social security scheme hrang hrang - PMJDY hnuaia lut thar mi 35,367 awmin, mipa 15,556 leh hmeichhia 19,811 an ni a; PMJJBY-a inziak lut thar mi 3,911 leh PMSBY-a inziak lut thar mi 7,551 an awm. Thla thum chhung hian financial literacy campaign vawi 32 neih a ni.